UMA ANEDOTA
enviada por António Capitulé
Califórnia/EUA
Unga Dia, Tranquilino co Artemisia juntado co unga chonto di amigo-amiga
ja vai pa unga piquenique na praia di Hac-Sa.
Artemisia entretida na praia brinca agua, di repente senti estomago
revolta, fala: Tranquilino, darling, iousa estomago ja solta, iou quere vai latrina faze
numero 2!
Tranquilino fala: Uvi Artemisia, aqui perto non tem latrina, vos
mas bom sa vai atraz di arbusto faze su numero 2 pa genti nadi ola.
Artemisia co unga ligereza di rato, bum, vira olo ja desaparece, qui
azinha ja corre vai traz di arbusto. Passado quanto minuto, unga voz forti-forti guela:
Aiiiiiiiiiiiiiiiiiiiiii, Tranquilino, credo, iou ja aboooooorta, credo,
iou ja aboooooorta.
Su marido Tranquilino empido perto di arbusto ja apanha grandi susto
co estunga Aiiiiiiiiiiiiiiiiiiiii di Artemisia, rosto fica cor di cera azinha corre vai cudi ela.
Uvi Artemesia, qui cuza vos ta guela como unga doda, vos ja ola diabo,
fomiga
ta subi corpo? Qui cuza ja sucede?
Artemisia fala: Tranquilino, amor, nunca bom reva, iou senti iou ja
aborta!
Credo, iou ja aborta! Vos ola cham, perna co brasso pixote ta
buli-buli, ramenda genti nada na praia.
Tranquilino aquele ora bassa cabeca tenta cham, fala: Artemisia, boba,
vai sosega na, vos mas bom cala su boca...vos ta faze escandalo dianti di genti, pa'ra co su galantaria, abri su olo
galado ola bem feto. Vai na, Aborta cuza na......
VOS JA FAZE COCO NA RIVA DI
UNGA SAPO!!!!!
(faltam acentos, a serem acrescentados posteriormente)
